水佳麗兩個多星期前的判案引起一些反彈和投訴, 司法機構並無因此發聲明回應公眾的疑慮, 也沒有批評水佳麗任何不當, 昨天卻異於慣常做法把她在判刑時在庭上所講的transcript上載了, 原汁原味, 讓你置身法庭中自己判斷, 比較一下從媒體獲得的印像。口語謄本很不好看, 十分冗贅, 因為當時是看著感化報告及求情信來判刑, 並非預先寫好的。把裁判法院口語判刑謄本上載屬第一次, 這就表明老總不會批評她, 大馬爺也不會召見她, 因為她沒犯錯。看倌不滿, 只能在此渲泄。水官對這少年的mother tone, fair and well balanced。她講優秀時是這樣講的:
所以對於法庭而言呢，經常要去面對你哋呢啲咁樣嘅年輕嘅犯法嘅人，亦都好似你咁樣，過去其實都係一個真係好優秀，好好嘅細路，對法庭嚟講，一啲都唔愉快呀。但係法--本席只係能夠好期望你真係汲取教訓，如果你希望將來有一日去到呢個嘅區議院好，甚至你將來有一日，冇人能夠睇小你嘅，因為當你係裝備好你自己，又真係對香港有一個好熱誠嘅愛，冇人會--唔會因為你有可能有一個半個案底，可以阻撓到你嘅。
......
好嘞，呢一件嘅案件你唯一，上次已經講過喇，其實事態好嚴重嘅，不過你，唯一對你嚟講係好一啲嘅，就係第一，當然你認罪喇，第二，就係當時候你去試射你呢啲咁樣嘅汽油彈嗰時候，基本上係半夜，冇咩嘢人，冇咩嘢交通，你唔係目的要去傷害任何人，係呢一樣嘢係對你係真係好嘅。
......
但係分辨清楚啲人喺你嘅耳仔講嘅說話，邊啲係可以做，邊啲唔做得，一做就好似你今天咁樣樣。你好快十六歲，你再唔會喺兒童庭出現喇，你會承擔個責任就遠比起做細路仔嗰個時候為高呀，所有做嘅嘢之前三思呀。
媒體有時在餵你吃藥, 你吃了就跟住人家想你去的方向走了。自己隨連結看原文喇。
香港特别行政區訴 SWS
