這兩天有很多人進來看一篇兩年前的舊文再談非禮，我於是看下Traffic sources是那些人入來， 原來是高登仔，隨連結進去看下他們討論的課題為何會涉及拙作，原來他們在談論兩天前空中少爺非禮中大女生脫罪一案。他們部份人以訛傳訛的看法，顯示對法律的無知，把出名的資深大律師吹捧得像神仙一様。我寫這一篇並非向他們挑機，旨在為他們啓蒙，如果覺得我在挑機，喺又點呀？

討論講到被告花幾十萬律師費，物有所值，得以脫罪。律師費多少與名氣掛鈎，我不敢講overpaid，人家是這個價錢，你付得起就請，無人逼你。那麽付不起是不是必死呢？那又未必。有的案神仙難救，就算花幾百萬都死。如果花很少錢都有救，又何須多費金錢。如果問我，我會話只需$1460。這條數怎樣計出來呢？從今年起我答應幫助的人先要捐$1000給我指定的香港社福機構，另外$460付給當值律師，即是揾皇家老狀幫佢打，故此總共是$1460。包甩嗎？講你都唔好信，除非訂明唔甩會回水。如果使$1460和使幾十萬打得甩的機會相若，你使幾多？當然是怕死程度和經濟能力的問題。

這件非禮案易打，原因是中大女生同意兩人之間曾拖手吻臉，這已使被告可聲稱honest but mistaken belief 佢同意某些親密行為，已足以脫罪。辯方勝，非戰之功；控方敗，非戰之罪。我不是説某資深大律師不好，他的強項是盤問技巧，尤其在風化案，但不是在jury trial。我想指出不要把人神化了，然後侃侃而談。呢件案揾個醒少少嘅duty lawyer,  使$460，都一樣甩，仲係由頭包到尾，唔使堂堂畀。$460係duty lawyer standard 收費。件案比我早輪寫非禮脫罪幫嗰一單仲易甩，嗰件案案情嚴重好多。佢一早想坦白從寬，但我話佢講嘅嘢如果係事實經過，就應該打，唔應該認，詳情唔講得，因為要尊重私隱，唔信就當我吹牛。終於佢使咗$460，連$1000都唔使捐，因為我舊年無定捐錢嘅條件。所以未必係平貴嘅問題，案情事實比大狀嗰棚金牙更加緊要，唔好無知當新知，大吹大擂。