大女兒一年回來省親一次, 思念老爸往日的菜餚, 我當然不會托手踭, 阿女想吃甚麼盡量煮給她吃。首先不缺的是湯水, 她只在家吃幾頓晚飯, 我也煮出幾個湯來。分別煮了杏汁豬肺湯、鮑魚花膠雞湯、胡椒豬肚豬肺湯、筍殼雙菰蜂巢豆腐湯及牛肝菌雞湯。筍殼是我幾乎每星期都吃的魚, 除了清蒸和煮粥外, 我很多時都把它煮湯。先把筍殼稍煎一下, 使它不太易煮爛, 放入煱中加水來煮, 加幾片薑, 幾片榨菜, 一粒酸梅, 煮出奶湯後加入蜂巢豆腐, 最後放鮑魚菰和金菰進去, 基本上不用鹽或其他調味品, 已鮮甜可口, 筍殼還可以撈出來吃。魚不會煮得爛除了不猛火煮太久外, 煎魚時先在魚身抹上粟粉, 魚煮過後也會較硬淨。
 |
| 筍殼湯 |
女兒最近在大阪吃了雞湯拉麵, 對雞湯讚不絕口, 說可以打敗我的雞湯。太豈有此理了。於是我就改變一下煮法, 肴好雞湯之後, 加入一些由意大利入口的牛肝菌, 牛肝菌切到像蔥花一樣, 稍滾一下便成。別買大陸的牛肝菌, 那實在太骯髒了, 除了泥沙多, 香味也差一大截。可惜沒有金華火腿, 否則切成髮絲灑一些在湯面就更佳。
最近合時蔬菜是露筍, 我分別用煙肉碎來炒和黑松露來拌, 食材平貴各異, 風味也不遑多讓, 各有千秋。
 |
| 黑松露拌露筍 |
用鮑魚花膠煲雞, 鮑魚和花膠自然要撈出來燜, 便成為另一碟餸。
 |
| 燜鮑魚花膠配白靈菰鮑魚菰 |
白酒煮蜆和白灼大墨魚片是輕而易舉的餸菜。
 |
白酒紫洋葱青椒煮蜆
|
 |
| 灼墨魚配百頁豆腐 |
最近拿手好戲是鹵水鴨, 當然要再登場, 女兒話真係好食喎。
 |
| 百頁豆腐鹵水蛋伴鴨 |
