回應 : 0 | |||||||
老豆:呀仔,我想問下你對罷課同佔領街道嘅睇法。
仔:梗係支持啦!
老豆:點解唔佔維園、香港公園、海濱長廊呢啲唔影響民生嘅地方?
仔:因為香港好多人都係針唔拮到肉唔知痛,去乜園物園根本就唔會有人理,我地咁做就係要喚醒呢班唔見棺材唔流眼淚嘅人!
老豆:但係我同你呀媽咁辛苦供你讀大學,你就去罷課,去佔據道路,影響市民生活同生計,又會唔會過份左呢?
仔:老豆,做人唔可以咁自私,我地做緊嘅野係為左全香港嘅人做,我個人嘅成敗得失唔緊要,今年畢唔到業咪讀多一年囉!仲有,嗰啲話被影響嘅市民都係香港人,今日犧牲少少都嘈生曬,係佢地自私!我地有屋企都唔番要訓街呀!我地冇犧牲咩!老豆你唔好比人洗腦呀,唔支持我地嗰啲人,梗係收左錢架!
老豆:呀仔,你真係大個喇,本來有啲野老豆唔知點開口同你講,但你頭先咁大義凜然,老豆覺得你係明白事理嘅,咁我就直言啦!下其學費你自己搞掂喇,仲有下個月開始你自己搵地方住。
仔:點解呀?就係因為你反對我地爭取普選所以你要經濟封鎖我?
老豆:仔,你誤會喇,我從來都冇反對你地爭取普選,至於你地用嘅方法我就唔評論喇。
仔:咁點解你要經濟封鎖我?
老豆:你聽我講完先啦。因為道路比人佔據左影響生意,我老細要裁員,你老豆我係被裁嘅其中一個。我同你呀媽計過條數,為左留筆錢比你細佬妹讀大學,依家住緊間樓租唔起喇,加上你咁大個,都係時候自力更生喇。
仔:好唔公平喎!細佬妹要讀書我就唔洗呀?細佬妹要住我就唔洗呀?
老豆:我有供你讀大學喎,你又話你個人嘅成敗得失唔緊要?
仔:三個都係你仔女,點解要犧牲我呀?
老豆:Duke那星!你唔問呢句我都冇咁火!你有書唔讀,有屋企唔番,走去霸撚住條路,影響左我公司,依家我份工被犧牲左,我都未撚出聲,你個僕街仔嘈乜撚野呀?要犧牲又係你話嘅,要你犧牲你又呀支呀咗!咁你係咪自私呀?你咪又係針唔撚拮到肉唔撚知痛!
仔:老豆.........我.........
老豆:我,我,我,我乜撚野呀?話你戇州驚你嬲!犧牲人地你就唔計,犧牲自己你就唔制!你好快撚啲同我死番去番你嘅學啦!僕街仔!
純粹設計對白,如有雷同純屬不幸 |